Türkiyədə evə basqın: azərbaycanlı saxlanıldı, digərləri sərbəst buraxıldı

Türkiyənin Balıkəsir şəhərində polis narkotik ticarətinin həyata keçirildiyi evə basqın təşkil edib.

Qaynarinfo Türkiyə KİV-inə istinadən xəbər verir ki, evdə olan 3 xarici vətəndaş narkotik maddəni unitaza tökərkən yaxalanıb. Nəticədə 5,49 qram "skunk" maddəsi aşkarlanıb. Polis şöbəsinə aparılan şübhəlilərdən Azərbaycan əsilli Ş.N həbs edilib. Türkmənistandan olan J.İ və T.Ö isə sərbəst buraxılıb.