Türkiyə niyə Azərbaycanı təbrik etmədi?

Mayın 22-dən etibarən Respublika Günü ilə əlaqədar dünya liderlərindən prezident İlham Əliyevə təbrik məktubları gəlməyə başlasa da, Türkiyə prezidenti və baş nazirinin builki təbriklərə qoşulmaması diqqətlərdən yayınmayıb. 

“Qafqazinfo” xəbər verir ki, ilk olaraq dövlət başçısı İlham Əliyev və Azərbaycan xalqını ABŞ prezidenti Barak Obama təbrik edib. Bir sıra dünya liderləri mayın 29-u tarixində də təbrik məktubu göndərməyə davam ediblər, lakin Türkiyənın adının bu ölkələr siyahısında hələ də olmaması bəzi sosial şəbəkə istifadəçilərinin diqqətindən yayınmayıb və müzakirə mövzusuna çevrilib. 

Qeyd edək ki, sonuncu dəfə prezident İlham Əliyev Türkiyə prezidenti Abdulla Gül və baş nazir Rəcəb Tayyib Ərdoğana Somada mədəndə baş verən faciə ilə bağlı başsağlığı mesajı göndərmişdi.