Alimlər sübut etdi: az yeyin, çox yaşayın

Fərqli ölkələrdə aparılmış araşdırmalar göstərir ki, qısamüddətli aclıq insan orqanizmi üçün olduqca faydalıdır.

Qaynarinfo xəbər verir ki, hələ qədim zamanlardan Hippokrat, Avisenna, Parasels qısamüddətli aclığın köməyi ilə müxtəlif xəstəlikləri müalicə ediblər.

Alimlərin fikrincə, müasir insanlar lazımından çox kalori qəbul edir və bu da müxtəlif xəstəliklərin inkişafına, həyatın qısalmasına səbəb olur.

Alimlər tədqiqatlar zamanı sıçanların qidalanmasını 20% azaltdıqdan sonra aşkar ediblər ki, az yeyən siçanlar daha fəal və sağlam olur. Bu eynilə insanlara da aiddir - qidalanmanın azalması insan sağlamlığına yalnız müsbət təsir edə bilər. 

Amerika alimləri tərəfindən aparılmış son araşdırma qısamüddətli aclığın beyinin fəaliyyətinə müsbət təsirini aşkar edib. Belə ki, 1 gün ərzində ac qaldıqda beyinin koqnitiv (təfəkkür, yaddaş və s.) funksiyaları xeyli yaxşılaşır. Maraqlıdır ki, bir çox dahi yazıçılar, musiqiçilər, rəssamlar bilmədən bu üsuldan istifadə edib. Belə ki, onlar şah əsərlərini yaratmazdan əvvəl ac qalıblar. 

1. Dediyimiz kimi, beyin daha yaxşı işləməyə başlayır, insanın yaradıcılıq potensialı artır.

2. İmmun sisteminin fəaliyyəti yaxşılaşır. Məhz bu səbəbdən soyuqdəymə xəstəlikləri zamanı həkimlər daha az yeməyi və çox maye qəbul etməyi tövsiyə edirlər.

3. Metabolik proseslər sürətlənir, çəki azalır.

4. Orqanizm təmizlənir və cavanlaşır.

5. Dəri gözəlləşir.

6. Xərçəng xəstəliyinin riski azalır.

7. Ürək və damarlar daha sağlam olur.

8. Astmadan əziyyət çəkənlərin vəziyyəti yüngülləşir.

9. Arterial təzyiq tənzimlənir.

10. Orqanizmdə iltihablar azalır. 

 

Ancaq onu da nəzərə almaq lazımdır ki, bu nəticələri müntəzəm olaraq həftədə 1 dəfə ac qaldıqda əldə etmək mümkündür. Aclıq günü yalnız su içmək olar.