Azərbaycan-Türkiyə-Pakistan görüşü: İlk növbədə hərbi sahə... (ŞƏRH)

Bunu Qaynarinfo-ya açıqlamasında politoloq Azər Qasımlı Azərbaycan, Türkiyə və Pakistan Xarici İşlər nazirlərinin Pakistanın paytaxtı İslamabadda keçiriləcək görüşündən danışarkən deyib. Politoloq qeyd edib ki, bu görüşün gələcəkdə Azərbaycana hərbi nöqteyi-nəzərdən hansısa müsbət tərəfləri olacaq:

"Təbii ki, Pakistanla Türkiyənin yaxınlaşması tək hərbi deyil, eyni zamanda siyasi çəhətdən çox önəmlidir. Türkiyənin bir çox beynəlxalq təşkilatlarla, o cümlədən də Pakistanın Hindistanla olan münasibətlərində bu ölkəyə siyasi, diplomatik dəstəyin verilməsi önəmlidir. Amma hesab edirəm ki, bu yaxınlaşma ilk növbədə daha çox hərbi nöqteyi-nəzərdən üç ölkənin marağında olan məsələdir".

Azər Qasımlı bildirib ki, Pakistan bundan sonra da Azərbaycana dəstəyini əsirgəməyəcək:

"Türkiyə onsuz da bizə dəstək verir. Pakistan da bundan sonra beynəlxalq təşkilatlarda bizə dəstəyini əsirgəməyəcək".

Politoloq hesab edir ki, bu görüşün Qarabağ probleminə hər hansı təsiri olmayacaq:

"Qarabağa o vaxt təsiri olardı ki, bölgə Rusiyanın nəzarətindən çıxa və yenidən Minsk qrupunun fəaliyyət dairsəinə daxil ola. Bundan başqa Minsk qrupunyn həmsəd ölkələri arasında dəyişiklik olsun, yaxud da Azərbaycan-Rusiya-Ermənistan üçlüyünə Türkiyə də qatılsın. O zaman bu "üçlüy"ün Qarabağa təsiri ola bilər".

Qeyd edək ki, bu gün Azərbaycan, Türkiyə və Pakistan Xarici İşlər nazirlərinin Pakistanın paytaxtı İslamabadda görüşü keçiriləcək.