"Neftçi" "Trabzonspor"a, "Qəbələ" "Feyenoord"a rəqib ola bilər (SİYAHI)

Qaynarinfo xəbər verir ki, "Qəbələ" və "Neftçi"nin potensial rəqibləri müəyyənləşib.

Həmin raundda II təsnifat mərhələsinin 37 cütünün qalibi, Çempionlar Liqasında eyni mərhələnin Liqa yolunun 2 cütündə uduzan komandalar, həmçinin mübarizəyə bu turdan başlayan 13 klub qüvvəsini sınayacaq. Püşk öncəsi 39 cüt və 13 komanda 5 qrupa bölünüb. 

II təsnifat mərhələsində Tula "Arsenal"ını mübarizədən kənarlaşdırsa, növbəti raundda "səpələnmişlər" səbətində yer alacaq. Bu isə o deməkdi ki, Bakı klubu iyulun 22-də keçiriləcək püşkatmada reytinqi nisbətən aşağı olan komandalardan biri ilə qarşılaşacaq.

"Neftçi” - "Arsenal” cütünün qalibi Avropa Liqasının 4 qarşılaşması və ya 2 komandadan biri ilə görüşəcək. Bunlar "Utrext” (Hollandiya) - "Zrinski" (Bosniya və Herseqovina), ÇSKA (Bolqarıstan) - "Osiyek” (Xorvatiya), "Lütsern” (İsveçrə) - "Klaksvik” (Farer adaları), "Honved" (Macarıstan) - "Universitatya” (Krayova, Rumıniya) cütləri, həmçinin "Trabzonspor” (Türkiyə) və "Bney Yehuda” (İsrail) klublarıdı.

"Qələvə" - "Dinamo” (Tiflis) cütü bcz 1-ci qrupun "səpələnməmişlər"indən biridi. Bu duelin qalibini püşkdə 5 mümkün variant gözləyir. Avropa Liqasının II təsnifat mərhələsinin "Hapoel Bier-Şeva” (İsrail) - "Kayrat” (Qazaxıstan), "Apollon” (Cənubi Kipr) - "Şemrok Rovers” (İrlandiya), "Torino” (İtaliya) - "Debretsen" (Macarıstan) cütlərinin qalibləri, həmçinin Çempionlar Liqasının "Viktoriya” (Çexiya) - "Olimpiakos” (Yunanıstan) qarşılaşmasında uduzan komanda və yarışa bu raunddan başlayacaq "Feyenoord” (Hollandiya) təmsilçimizin mümkün rəqibləridi.

Qeyd edək ki, püşkatma sabah İsveçrənin Nyon şəhərində baş tutacaq.