İdman 12:33 17.01.2023

"Qarabağ"ın hücumçusu Avropanın bombardirləri siyahısında

Beynəlxalq Futbol Tarixi və Statistikaları Federasiyası (IFFHS) 2022-ci ildə Avropanın bombardirləri siyahısını açıqlayıb.
 
Qaynarinfo-nun məlumatına görə, millimizin futbolçusu Ramil Şeydayev də sözügedən siyahıda yer alıb. "Qarabağ”ın hücumçusu ötən il vurduğu 25 qolla 21-ci pillədə qərarlaşıb. Şeydayev bu qollardan 18-ni Premyer Liqada, 4-nü ölkə kubokunda, 1-ni avrokuboklarda, 2-ni isə yığmanın heyətində vurub.

Siyahıya Fransa millisinin və PSJ-nin hücumçusu Kilian Mbappe başçılıq edir. 24 yaşlı forvard ümumilikdə 56 dəfə fərqlənib. İkinci pillədə isə Erlinq Haland qərarlaşıb. Norveçli hücumçu Mbappedən 10 qol geridə qalıb.
 
Səbuhi Həsənov