İdman 20:56 25.02.2024

“Qarabağ”ın qapıçısı Avropada mövsümün ən yaxşısı oldu

"Qarabağ”ın rusiyalı qapıçısı Andrey Lunyov cari avrokubok mövsümündə seyvlərinin sayına görə köhnə qitənin qapıçıları arasında ən yaxşısı olub.

Qaynarinfo xəbər verir ki, bu barədə "Opta Sports” teleqram kanalında məlumat yayıb.

Mənbənin sözlərinə görə, Lunyov Avropa Liqası və Konfrans Liqasının 8 oyununda komandasını 36 dəfə xilas edib.

O, bu avrokubok mövsümündə qapısına vurulan 47 zərbədən 72%-ni qaytarıb. Eyni zamanda qapıçı avtoqollar istisna olmaqla, 12 qol buraxıb.

Xatırladaq ki, Lunyovun "Qarabağ”la müqaviləsi 2024-cü ilin yayına kimi nəzərdə tutulub.