Aİ Şurası bazar ertəsi, iyulun 22-də Ermənistan Silahlı Qüvvələrinə dəstək üçün 10 milyon avro məbləğində yardım göstərmək barədə qərar qəbul edib.
Bu barədə Qaynarinfo Aİ Şurasının mətbuat xidmətinə istinadən xəbər
verir.
Yardım Avropa Sülh Fondu (APF) çərçivəsində həyata keçiriləcək.
Məlumatda bildirilir ki, məqsəd Ermənistan Silahlı Qüvvələrinin maddi-texniki potensialını gücləndirmək, böhran və fövqəladə hallarda mülki əhalinin müdafiəsinin yaxşılaşdırılmasına töhfə verməkdir.
Dəstək həmçinin Ermənistanın dayanıqlığını artırmaq və ölkənin Aİ tərəfindən yerləşdirilən beynəlxalq hərbi missiya və əməliyyatlarda gələcəkdə mümkün iştirakı halında onun silahlı qüvvələrinin qarşılıqlı fəaliyyətini sürətləndirmək məqsədi daşıyır.
Görülən tədbir tabor ölçülü bölmə üçün tam təchiz olunmuş çadır şəhərciyini təmin etməyə imkan verəcək.
Nizami Bağırov
Şərhlər