Azərbaycanda I Liqa komandasının oyunları nəzarətə götürüldü (VİDEO)
Azərbaycan I Liqasının debütantı və autsayderi olan "Difai” (Ağsu) komandasının keçirdiyi matçlar danışılmış oyunlarda şübhəli bilinir.
Prosport.Az-ın məlumatına görə, komandanın son dəqiqələrdə, xüsusən də oyuna artırılmış vaxtlarda qapısından toplar buraxması araşdırılma aparılmasına səbəb olub.
Belə ki, komandanın IX turda Bakıda "İrəvan”la görüşdə 1:0 öndə olduğu matçda 80, 90+4 və 90+5-ci dəqiqələrdə top buraxması şübhələri artırıb. Həmçinin Zaqatalada eyniadlı komanda ilə matçda eyni hadisələr təkrarlanıb. Ağsu komandası hesabda 2:0 öndə olsa da, 51, 90, 90+4 və 90+6-cı dəqiqələrdə qapısından top buraxaraq 2:4 uduzub. Baxmayaraq ki, 90+1-ci dəqiqədən etibarən meydan sahibləri 1 nəfər azlıqda oynayıblar. 90+6-cı dəqiqədə komandanın kapitanının topu öz qapısından keçirməsi də qeyd olunmalıdır. Hər iki matçda komandanın qapıçısının azı 1 kobud səhvi də diqqətdən yayınmır.
Qeyd edək ki, "Difai” çempionatda yeganə qələbə qazanmayan komandadır. Klub cəmi 1 xalla sonuncu -10-cu pillədədir.
AIN_Error::errorHandler(8, "Trying to access array offset on value of type bool", "file/cache/template/frontend_qaynar_module_qaynar_template_controller_article.html.php.php", 255, Array(5))
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər