Dünya 21:41 05.12.2023

"Slovnaft" Rusiya neftinin sanksiyalardan çıxarılmasını bir il uzatmaq istəyir

Slovakiyanın xarici işlər naziri Juraj Blanar bildirib ki, "Slovnaft" Rusiya neftinin Avropa İttifaqının sanksiyalar siyahısından çıxarılmasını bir il müddətinə uzatmağa çalışır. 

Qaynarinfo bu barədə standard.sk saytına istinadən xəbər verir.

"Biz "Slovnaft" üçün istisnanı bir il müddətinə uzatmağa çalışırıq, söhbət həm Çexiya, həm Ukrayna, həm də bizim üçün nəzərdə tutulan məhsullardan gedir", deyə rəsmi bildirib.

Blanarın fikrincə, Aİ rəhbərliyi ilə bu danışıqların nəticəsiz qalması ölkədə inflyasiyanın artmasına səbəb ola bilər.

Noyabrın 30-da Slovakiyanın baş naziri və Rusiyanın səfiri ikitərəfli əməkdaşlığın inkişafı məsələlərini müzakirə ediblər. 

5 dekabr 2022-ci ildə Aİ Rusiya Federasiyasından dəniz yolu ilə neft tədarükünə embarqo tətbiq edib və G7 və Avstraliya səlahiyyətliləri 60 dollar/barel həddini təyin etdilər. 2023-cü ilin fevral ayından etibarən analoji məhdudiyyətlər neft məhsullarına (barel üçün 100 dollar və 45 dollar) təsir edib. Eyni zamanda, Rusiya Qərbdən kənar vasitəçilər vasitəsilə neft ixrac etməklə məhdudiyyətlərdən yan keçməyin yollarını tapıb. Rusiya Maliyyə Nazirliyinin məlumatına görə, 2023-cü ilin avqustunda "Urals" neftinin bir barelinin qiyməti orta hesabla 74 dollar təşkil edib.

Aydın