Dünya 13:30 13.02.2024

Trampın NATO ilə bağlı bəyanatlarına görə ABŞ-a olan etibar risk altındadır - General

ABŞ-ın Birləşmiş Qərargah Rəisləri Komitəsinin rəhbəri general Çarlz Braun bildirib ki, keçmiş prezident Donald Trampın NATO ilə bağlı son açıqlamaları səbəbindən ölkənin etibarı risk altındadır.

Qaynarinfo NBC-yə istinadən xəbər verir ki, o, bu barədə bazar ertəsi, fevralın 12-də məlumat verib

Tramp fevralın 10-da bildirib ki, Rusiyanı kifayət qədər müdafiəyə pul xərcləməyən istənilən NATO ölkəsinə hücum etməyə təşviq edəcək.

"Bu il NATO-nun 75-ci ildönümüdür və hesab edirəm ki, biz bu ittifaqı dəstəkləmək öhdəliyimiz var. ABŞ-ın etibarı bizim hər bir ittifaqımızda təhlükə altındadır və ABŞ-ın liderliyi hələ də lazımdır, tələb olunur və izlənir”, - Braun bildirib.

O, əlavə edib ki, bu, NATO ölkələrinə verdiyi mesajdır, baxmayaraq ki, "hər birimizin işləməli olduğumuz siyasi rəhbərliyin olduğunu və gündəmi məhz onlar təyin etdiyini” qəbul edirik.

Trampın şərhlərinin onu narahat edib-etmədiyi ilə bağlı suala cavab olaraq o, NATO ilə münasibətləri inkişaf etdirməyə diqqət yetirdiyini bildirib. 

"Mənim vəzifəm hərbi aspektdə NATO müttəfiqlərimizlə əlimizdən gələni etməyimizə əmin olmaqdır və mən bunu hər zaman etməyə davam edəcəyəm", - Braun vurğulayıb.

Fevralın 11-də NATO-nun baş katibi Yens Stoltenberq də Trampın bəyanatlarına cavab verərək, bunların NATO-nun, xüsusən də ABŞ-ın təhlükəsizliyini sarsıtdığını qeyd edib.

ABŞ Milli Təhlükəsizlik Şurasının koordinatoru Con Kirbi keçirdiyi brifinqdə bildirib ki, istənilən ABŞ prezidenti NATO-nun gücləndirilməsi üzərində işləməlidir.

Nizami Bağırov