Ukrayna Ali Radası ölkədə hərbi vəziyyətin və ümumi səfərbərliyin müddətini daha 90 gün uzadıb.
Qaynarinfo "Ukrainskaya pravda”ya istinadən xəbər verir ki, hərbi vəziyyət 2023-cü il fevralın 19-dan uzadılacaq və daha 90 gün davam edəcək.
Bu, 24 fevral 2022-ci ildən Ukraynada hərbi vəziyyətin və səfərbərliyin altıncı uzadılması qərarıdır. Ukrayna prezidenti Volodimir Zelenski hərbi vəziyyətin növbəti uzadılması ilə bağlı qanun layihəsini dünən, fevralın 6-da Radaya təqdim edib.
Ölkə qanunvericiliyinə əsasən, hərbi vəziyyət komendant saatı, gediş-gəlişin məhdudlaşdırılması, hərbi xidmət keçməli olanların yaşayış yerini dəyişməsinə qadağa, o cümlədən rabitə və internetin fəaliyyətinə məhdudiyyətlər nəzərdə tutur.
Nizami Bağırov
Şərhlər