Dünya 18:46 04.12.2023

Çində yeni təhlükəli virus yayılıb? - Həkimdən açıqlama

Bu gün Çində sətəlcəm epidemiyasına səbəb olan yeni virusun aşkarlandığına dair heç bir təsdiq yoxdur. 

Qaynarinfo xəbər verir ki, bunu viral infeksiyaların qarşısının alınması və müalicəsi üzrə Rusiya Elmi İnformasiya Mərkəzinin direktoru Georgi Vikulov deyib.

Həkim bildirib ki, bu xəstəlik vaxtaşırı aktiv şəkildə yayılmağa başlayır, bununla bağlı fövqəl təhlükəli və naməlu heç nə yoxdur. O, yeni virus haqqında mesajların yayılmasını məlumat sahəsinin təhrifi adlandırıb.

"Jurnalistlər Çində yeni bir virusun meydana gəldiyini iddia edirlər, baxmayaraq ki, Çin və ya beynəlxalq virusoloqlar, nə də bizim tərəfimizdən heç bir təsdiq yoxdur. Mikoplazma infeksiyası, qrip, koronavirus yayılmaqda davam edir, təəccüblü heç nə yoxdur. Biz məlumatları izləməli, etibarlı mənbələrdən və fiziki sübuta malik mütəxəssislərin məlumatlarından istifadə etməliyik. Və sadəcə bir növ qeyri-adi infeksiya haqqında danışanlara inanmayın", deyə Vikulov bildirib.

Xatırladaq ki, Çin, ABŞ, Danimarka, Fransa və Niderlandda 5-12 yaş arası uşaqlarda pnevmoniyaya yoluxma halları artır. Çində klinikaların həddindən artıq yükləndiyi bildirilir. Xəstəliyin törədicisi Mikoplazma bakteriyası adlandırılır.

Aydın