İdman 09:10 30.06.2022

Futbol tarixinin ən çox qol vuran müdafiəçiləri

Futbolda müdafiəçilər adətən rəqibin qarşısını almaq, onların qol vurmasını əngəlləmək üçün məsuliyyət daşıyırlar. Ancaq bir də qol vurmaq üçün müdafiədəki rollarından kənara çıxan oyunçular var. Futbol tarixində bəzi müdafiəçilər var ki, hücumçulardan daha çox önə çıxmağı bacarıblar.

Qaynarinfo həmin futbolçulardan ən məşhurlarının adlarını təqdim edir.

Ronald Kuman

253 qolla Ronald Kuman futbol tarixində ən çox fərqlənən müdafiəçidir. Niderland millisinin sabiq üzvü klub karyerası boyunca 223 qola, 69 məhsuldar ötürməyə imza atıb. O, qollardan 88-ni "Barselona"da vurub.

Daniel Passarella

Daniel Passarella futbol tarixində müdafiəçilər arasında ən çox qol vuran ikinci oyunçudur. Argentinalı peşəkar karyerasını 175 qolla başa vurub.

Fernando Hierro

Karyerası boyunca 163 qolla futbol tarixinin ən məhsuldar müdafiəçilərindən biri sayılan Hierro İspaniya millisində 29 dəfə fərqlənməyə nail olub. O, 14 il formasını geyindiyi "Real"da isə 126 qola imza atıb.

Loran Blan

Müdafiəçilər arasında məhsuldarlıqda beşinci olan fransalı karyerası ərzində "Barselona", "İnter" və "Mançester Yunayted"də çıxış etdiyi müddətdə ümumilikdə 153 qola imza atıb.

Serxio Ramos

Aktiv futbolçu karyerasını davam etdirən futbolçu da vurduğu qollara görə rekorda sahibdir. İspaniyalı mərkəz müdafiəçisi peşəkar futbolçu karyerası ərzində 129 qola müəlliflik edib. O, "Real"da 101, "Sevilya"da 3, PSJ-də isə 2 dəfə fərqlənib.

Futbol tarixində ən çox qol vuran digər müdafiəçilər isə bunlardır.

Aleksandr Qraham (İngiltərə) - 130

Roberto Karlos (Braziliya) - 113

Pol Breynter (Almaniya) - 113

Stephen Roger Bruce (İngiltərə) - 113

Frans Bekkenbauer (Almaniya) - 109

Səbuhi Həsənov