Legionerlər müharibədən sonra silahı təhvil verəcəkmi? - Ekspert

Qaynarinfo-ya açıqlamasında təhlükəsizlik eksperti İlham İsmayıl bildirib ki, müharibədən sonra legionerlərlə bağlı yarana biləcək hər hansı bir insident Ukraynaya təhlükə yarada bilməz.

 

Ekspertin fikrincə, Ukrayna üçün ən böyük təhlükə indi gedən müharibənin özüdür: "Müharibədən sonra yarana biləcək hər hansı insidentlər təhlükə səviyyəsində ola bilməz. Müharibədən sonra Ukrayna tərəfindən vuruşan legionerlərlə bağlı hər hansı bir problem yaransa, onlarla mübarizəni artıq hüquq mühafizə orqanları aparacaq, ordu bu işə qarışmayacaq.  Legionerlərin hər hansı bir pis əmələ yol verməsinin qarşısını almaq müharibə görmüş dövlət üçün elə də çətin olmayacaq. Onlar Ukraynaya ciddi təhlükə  törədə bilməzlər. Tarix boyu bəzi hallarda muzdlular  vuruşduqları ölkədən narazılıq ifadə ediblər. Onlar  bu zaman narazılıqlarını hansısa şəkildə həyata keçirib, hətta terrora əl atıblar. Amma bu hal baş  versə də belə, müharibə ilə müqayisədə Ukrayna üçün böyük təhlükə olmayacaq. Muzdlunun bir işi  var, ona görə də maddi cəhətdən təmin olunurlar. Amma müqavilə bitəndən sonra onların artıq buraxılırlar”.