Futbol üzrə Azərbaycan Premyer Liqasında III turun daha bir oyunu keçirilib.
Qaynarinfo-nun məlumatına görə, Rəşad Sadıqovun başçılıq etdiyi "Zirə" doğma meydanda "Sabah"ı qəbul edib.
Zirə İdman Kompleksinin stadionundakı qarşılaşma qonaq komandanın 2:0 hesablı qələbəsi ilə yekunlaşıb. "Sabah"ın heyətində Xulio Sezar Rodrigez 51-ci dəqiqədə fərqlənib. 90+2-ci dəqiqədə isə Kevin Kubemba fərqi artırıb.
Bu nəticədən sonra "Sabah" 6-cı xalını qazanıb, cari mövsüm ilk dəfə məğlub olan "Zirə"nin isə 4 xalı var.
Qeyd edək ki, tura bu gün keçiriləcək "Qarabağ" - "Neftçi" matçı ilə yekun vurulacaq. Turun əvvəlki matçlarında "Sumqayıt" evdə "Səbail"i 2:1 hesabı ilə üstələyib, "Qəbələ" - "Keşlə" duelində qol vurulmayıb.
<iframe width="560" height="315" src="https://www.youtube.com/embed/Z2J34rNd2y4" frameborder="0" allow="accelerometer; autoplay; clipboard-write; encrypted-media; gyroscope; picture-in-picture" allowfullscreen="">
Şərhlər