Belarusda keçirilən II MDB Oyunlarının ağır atletika üzrə yarışlarında idmançımız Dadaş Dadaşbəyli uğurlu nəticə ilə yadda qalıb.
Qaynarinfo-nun məlumatına görə, Dadaşbəyli 109 kq çəki dərəcəsində qüvvəsini sınayıb. O, toplam 393 kq (177+216) nəticə ilə bütün rəqiblərini üstələyərək qızıl medal qazanıb və fəxri kürsünün ən yüksək pilləsinə qalxıb.
Bu gün mübarizəyə qoşulan digər idmançımız Əli Şükürlü isə ümumilikdə 300 kq (130+170) nəticə ilə yekun sıralamada 5-ci yeri tutub.
Qrodno şəhərindəki Buz İdman Sarayının yarış zalında təşkil olunan II MDB Oyunlarında 150-dən çox idmançı medallar uğrunda mübarizə aparır.
Səbuhi Həsənov
Şərhlər