Ölkə 12:23 25.01.2024

Lənkəran Sukanal Sahəsinin həyətini su basdı

Lənkəran şəhərində Sukanal Sahəsinin əməkdaşları acınacaqlı vəziyyətlə üz-üzə qalıb.

Qaynarinfo xəbər verir ki, "Azərsu" ASC-nin 3 №-li Regional Sukanal İdarəsinin Lənkəran Sukanal Sahəsinin həyətini su basıb. 

Bu səbəbdən səhər işə gələn əməkdaşlar öz iş otaqlarına girə bilməyib.

Lənkəran sakinlərinin Qaynarinfo-ya verdiyi məlumata görə, idarənin binasının həyəti yağış suları nəticəsində bu hala düşüb:

"Suyun axarı olmalıdır. Lənkəranın da drenaj sistemi çoxdan sıradan çıxıb. Şəhərin kanalizasiya sistemi yoxdur".

Bahar Rüstəmli