"Mançester Yunayted”in ispaniyalı qapıçısı David De Xea "Lids"lə oyunda tarixi ilkə imza atıb.
Qaynarinfo-nun məlumatına görə, o, Premyer Liqada 400 oyun keçirən ilk əcnəbi futbolçu olub.
2011-ci ildə İspaniya La Liqa təmsilçisi "Atletiko"dan 19 milyon funt-sterlinq qarşılığında Mançester komandasına transfer olan David De Xea bu forma ilə 7 kubok qazanıb. O, 2012/13 mövsümündə Premyer Liqa çempionu, Avropa Liqası, FA Kuboku, "Community Shield" (3) və İngiltərə Liqa Kubokunu başı üzərinə qaldırıb. Qapıçı bu mövsüm "Mançester Yunayted”in heyətində 33 oyun keçirib və bunların 14-də qapısını toxunulmaz saxlayıb. O, 33 qol buraxıb.
"Mançester Yunayted” bu gün Avropa Liqasında "Barselona”nı, fevralın 19-da isə ölkə çempionatında "Lester"i qəbul edəcək.
Səbuhi Həsənov
Şərhlər