“Turan Tovuz” rəsmisi: “Kəpəz”in Tovuzda oynaması bizə maneçilik yaradacaq”

Klubun Müşahidə Şurasının sədri Oqtay Abdullayev Qaynarinfo-ya açıqlamasında bunu necə yoluna qoyacaqları haqda sualı cavablandırıb:

"Bütün bunlar PFL-lə razılaşdırılacaq. İstər-istəməz "Kəpəz”in Tovuza köçməsi bizə maneçilik yaradacaq. Qonşu rayondur, Premyer Liqada oynayırlar, onlara dəstək göstərmək lazımdır. AFFA və PFL-lə danışacağıq, oyunları elə bir vaxta təyin etsinlər ki, bir-birinə çətinlik yaratmasın. "Kəpəz” bizim rəhbərliklə danışıqlar aparıb, razılıq əldə olunub. Biz düşmən deyilik (gülür). Aramızdakı yalnız futbol düşmənçiliyidir. Futbol bitəndə dostluq başlayır. İnanmıram çox uzun müddət "Kəpəz” Tovuzda oynasın. Ümid edirəm, yaya qədər stadionları hazır olar”.