Dünya 17:20 28.02.2024

Xəstəxanaya yerləşdirilən Rey Kərimoğludan xəbər var

Qarabağ qazisi, tanınmış jurnalist Rey Kərimoğlunun səhhəti hələ də normallaşmayıb.

Bu barədə Qaynarinfo-ya açıqlamasında onun özü məlumat verib. 

Jurnalist Əmək və Əhalinin Sosial Müdafiəsi Nazirliyinin Bakı Reablitasiya Mərkəzinə yerləşdirilib.

"Yüksək təzyiqdən əziyyət çəkirəm. Baş-beyində qan qidalanmasında problemlər yaranıb. Buna görə də burnumda qanaxmalar olur. Həkimlərin nəzarətindəyəm, ümid edirəm ki, hər şey yaxşı olacaq".
 
Xatırladaq ki, fevralın 22-də Rey Kərimoğlunun səhhətində problemlər yaranıb. Xətai Tibb Mərkəzinə yerləşdirilən jurnalist bir neçə gün orada müalicə edilib.
 
Bahar Rüstəmli