Alimlərdən yeni kəşf: Qaranlıq okean dərinliyi anlayışını dəyişir

Qaynarinfo xəbər verir ki, araşdırmanın nəticələri "Nature Communications" jurnalında dərc olunub.

Bitkilər şəkər və digər üzvi maddələr istehsal etmək üçün günəş işığından enerji istifadə edirlər. Bu proses fotosintez adlanır. MOSAiC layihəsinin alimləri müəyyənləşdirib ki, Arktikada mikroyosunlar qütb gecəsinin bitməsindən bir neçə gün sonra, martın sonunda fotosintez edə bilirlər. Bu zaman Günəş üfüqdən çətinliklə yuxarı qalxır, ona görə də buz və suda işığa həssas işıq sensorlarının göstərdiyi kimi Şimal Buzlu Okeanında demək olar ki, işıq yoxdur. Eyni zamanda, gündə işığın yalnız 1/100.000-i buzdan suya keçir.

Nəşr edilmiş tədqiqatın nəticələri bütün planet üçün vacibdir. Çox güman ki, okeanın digər qaranlıq ərazilərində balıqlar üçün faydalı enerji və oksigen istehsal etmək üçün kifayət qədər işıq ola bilər. Dünya okeanlarında fotosintez mühiti əvvəllər düşünüldüyündən çox böyük ola bilər.

"Nəticələrimiz Şimal Buzlu Okeanına xas olsa da, fotosintezin nə edə biləcəyini göstərir. Əgər o, Arktikanın çətin şəraitində belə effektivdirsə, güman etmək olar ki, okeanların digər bölgələrindəki orqanizmlər də yaxşı adaptasiya olublar", deyə alimlər qeyd ediblər.