Deputat Operativ Qərargahın bu qərarına etiraz etdi: “Birbaşa idraksızlıqla bağlı məsələdir“

Deputat Operativ Qərargahın bu qərarına etiraz etdi: “Birbaşa idraksızlıqla bağlı məsələdir“

"Ölkə prezidenti işğaldan azad olunmuş ərazilərdəki hərbi hissədəki əsgərlərimizin idman zalında ağırlıq alətlərini qaldırmaqla yalnız idmana, sağlam həyata insanların maraq göstərməsini təbliğ etmədi. Həm də Operativ Qərargaha mesaj göndərdi ki, idman zallarını açmaq lazımdır ki, insanlar normal şəkildə idmanla məşğul ola bilsinlər”.

Qaymarinfo xəbər verir ki, bu fikirləri millət vəkili Fazil Mustafa feysbuk səhifəsindəki paylaşımında qeyd edib.


"Prezident hər məsələ ilə bağlı fərman, sərəncam verməz ki? Bəzən ifadələrlə, jestlərə anlatmağa çalışır ki, nələri etmək vacibdir. Bizdə çevik jurnalistika da yoxa çıxmış kimidir.

Olsaydı, Operativ Qərargahdakı səlahiyyət sahiblərindən ölkə prezidentinin idmanla bağlı verdiyi mesajı necə anladıqlarını dərhal soruşardılar.

Görək Prezidentin bu anlamlı davranışından doğru nəticə çıxarıb açacaqlarmı idman zallarını? Yoxsa absurd yanaşmanı bundan sonra da davam etdirəcəklər?

Qapalı idman zallarının bağlı saxlanmasının pandemiya ilə yaxından-uzaqdan əlaqəsi yoxdur. Birbaşa idraksızlıqla bağlı məsələdir. Əks halda bu qərarın indiyədək normal izahını verərdilər”-deyə deputat vurğulayıb.
XƏBƏRLƏR
BLOGLAR
X