Son sorğular göstərir ki, ABŞ prezident seçkilərində Demokratlar Partiyasının namizədi ola biləcək Kamala Harris Respublikaçılar Partiyasının namizədi Donald Trampdan cüzi fərqlə geridə qalır.
Qaynarinfo xəbər verir ki, "The Hill” bunu ABŞ-ın Decision Desk HQ (DDHQ) və The Hill-in orta sorğu məlumatlarına əsasən
bildirir.
Tramp-Harris cütlüyündə eks-prezident onu təxminən 2 faiz bəndi qabaqlayır – 47%-dən 45%-ə qədər. Bunlar Co Bayden ilə birləşdirilən rəqəmlərlə demək olar ki, eynidir - 46% - 43,5%.
Müstəqil namizəd Robert Kennedi sorğuya daxil edilsəydi, Trampın Harrisdən üstünlüyü 5,7 faiz bəndinə yüksələcək - təxminən 43 faizdən 37 faizə, Kennedini isə demək olar ki, 6 faiz dəstəkləyəcəkdi.
Bildiyiniz kimi, iyulun 21-də ABŞ prezidenti Co Bayden seçki yarışından geri çəkildiyini və vitse-prezident Kəmalə Harrisin namizədliyini dəstəklədiyini açıqlayıb.
Praymerizdə qalib gələn Bayden yarışdan geri çəkilərsə, öz namizədini seçə bilməz. Bununla belə, partiyanın onun təklifinə qarşı çıxacağı ehtimalı az görünür - həm də qərar qəbul etmək üçün çox qısa müddət nəzərə alınmaqla.
Alpər
Şərhlər