Avtoxuliqanlar arasında pəşəkar sürücülər də var.
Qaynar.info xəbər verir ki, bu sözləri ANS TV-nin “Xəbər Sizsiniz” verilişində Bakı Şəhər Dövlət Yol Polisi İdarəsinin mətbuat xidmətinin rəisi Vaqif Əsədov deyib.
O bildirib ki, bu ilin 11 ayı ərzində 287 avtoxuliqanlıq hadisəsi faktı aşkarlanıb. Avtoxuliqanlar arasında 21-35 yaş arası gənclər üstünlük təşkil edir. Həmçinin 1,2,3-cü kurs tələbələri daha çoxdur.
30 avtoxuliqan dəfələrlə eyni qayda pozuntusunu təkrarladığına görə, məsuliyyətə cəlb olunub. Onlardan 14-ü barəsində ən ağır cərimə və həbs-qətimkan tədbiri seçilib.
Qaynar.info
