Sabah ölkə ərazisində hava yağıntılı olacaq.
Ekologiya və Təbii Sərvətlər Nazirliyinin Milli Hidrometeorologiya Departamentindən Qaynar.info-ya verilən məlumata görə, mayın 13-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, səhər və axşam bəzi yerlərdə qısamüddətli yağış yağacağı gözlənilir. Şimal-şərq küləyi əsəcək.
Havanın temperaturu gecə 10-14˚, gündüz 17-22˚ isti olacaq.
Azərbaycanın rayonlarında isə şimşək çaxacağı, arabir yağış yağacağı gözlənilir. Şərq küləyi əsəcək. Havanın temperaturu aran rayonlarında gecə 10-15˚, gündüz 20-25˚, dağlarda gecə 5-10˚, gündüz 11-16˚ isti olacaq.
Xatırladaq ki, Ekologiya və Təbii Sərvətlər Nazirliyi Milli Hidrometeorologiya Departamentindən verilən məlumata görə, mayın 15-i gündüzədək ölkə ərazisində qeyri-sabit hava şəraitinin davam edəcəyi gözlənilir.
Qaynar.info
