Bakının Xətai rayonunda yerləşən Xocalı prospektində təmir işlərinə başlanılıb.
Bunu “APA-Economics”ə Nəqliyyat Nazirliyinin “Azəryolservis” ASC-nin mətbuat xidmətinin rəhbəri Pünhan Mürsəliyev deyib. O bildirib ki, hazırda prospektdə köhnə beton bordürlər sökülərək daşınır. Daha sonra isə köhnə asfalt-beton örtüyünün qaşınmasına başlanacaq: “Bu işlər yekunlaşdıqdan sonra prospektə yeni mərmər bordürlər vurulacaq və yeni asfalt-beton örtüyü salınacaq”.
Qeyd edək ki, yolun uzunluğu 1 100 metr təşkil edir.
Qaynar.info
