Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
13:29
Azərbaycana qış gəldi
11:45
Axşam.az 12 yaşında!
ABŞ Ukraynaya hansı qadağaları qoyub? (ŞƏRH)
"ABŞ bu açıqlama ilə Kiyevin Rusiyanın dərinliklərinə endirdiyi zərbələrə görə məsuliyyəti öz üzərindən atır".
Bunu Qaynarinfo-ya açıqlamasında QAFSAM sədrinin müavini Nazim Cəfərsoy deyib.
"Ortada risklər var. Bu daha çox ABŞ Rusiya münasibətlərinin gərginləşməsi, nəzarətdən çıxması ilə əlaqəli məsələdir. Ona görə də Ağ Ev sözçüsünün həmin açıqlamasına bu çərçivədə baxmaq lazımdır", deyə Nazim Cəfərsoy bildirib.
Ekspertə görə, Qərb Rusiyanın reaksiyasından çəkinir:
"Çünki daha əvvəl Kreml açıqlama vermişdi ki, Rusiyaya qarşı Ukraynanın istifadə etdiyi silahların sahibi olan ölkələr də prosesdən zərər görəcək, onun cavabını alacaq. Ona görə də Ağ Ev rəsmisi belə açıqlamalar verməklə ABŞ Rusiya münasibətlərinin daha da gərginləşməsini əngəlləməyə, Moskvanın hədəfi olmaqdan qaçmağa çalışdığını ortaya qoyur".
Həmsöhbətimizin fikrincə, bu açıqlama həm də Vaşinqtonun məsuliyyəti öz üzərindən götürməsi anlamına gəlir:
"ABŞ bununla Rusiyanın dərinliklərinin vurulması məsələsində öz üzərinə məsuliyyət götürmək istəmir. Bu məsələdə qərarların Kiyev tərəfindən verildiyini bəyan edir. Bununla da Vaşinqton özünü sığortalamağa çalışır. Bildirir ki, sadəcə silah verməklə məşğuldur. Bu silahlardan harda istifadə etməsi isə Kiyevin öz qərarıdır və Vaşinqtonun belə vəziyyətin yaranması ilə heç bir əlaqəsi yoxdur".
Qeyd edək ki, ABŞ Ukrayna Silahlı Qüvvələrinə hələ də Rusiyanın dərinliklərinə zərbələr endirmək üçün ABŞ silahlarından istifadəyə icazə verməyib. Belə bir açıqlama ilə Ağ Evin sözçüsü Karine Jan-Pyer çıxış edib.
Onun sözlərinə görə, ABŞ hakimiyyəti Ukrayna hərbçilərinin Rusiya ərazisinin dərinliklərindəki hədəflərə ABŞ silahları ilə zərbələr endirməsinə qadağa qoymasına münasibətini dəyişməyib. O, Ağ Evin mövqeyinin dəyişməyəcəyini də vurğulayıb.
Rüfət Sultan
Oxşar xəbərlər
Azərbaycanda aktyor vəfat etdi
Ölkə
21.12.2024
Slovakiya Ukraynanı münaqişə ilə hədələdi
Dünya
21.12.2024
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər