2012/2013-cü tədris ilində Azərbaycanda orta məktəbi bitirən məzunlar arasında qızıl medal alanların sayı artıb, gümüş medal alanların sayı isə azalıb.
Təhsil Nazirliyindən APA-ya verilən xəbərə görə, 2012/2013-cü tədris ilində ölkənin orta məktəbinin XI siniflərini 248 məzunu qızıl və gümüş medalla başa vurub. Məzunlardan 238-i qızıl, 10-u isə gümüş medala layiq görülüb.
2011/2012-ci ilində isə orta məktəbləri 138 məzun medallarla bitirib. Onların 118-i qızıl, 20-si isə gümüş medala layiq görülüb.
Qeyd edək ki, məzunlara medallar hələ təqdim edilməyib.
Qaynar.info
