Bir neçə gün öncə itkin düşən Quba sakini tapılıb.
Bu barədə Qaynarinfo-ya DİN Mətbuat Xidmətinin Quba regional qrupundan məlumat verilib. Polis əməkdaşlarının həyata keçirdikləri əməliyyat-axtarış tədbirləri nəticəsində həmin şəxs dekabrın 22-də Bakı şəhər ərazisində tapılaraq ailəsinə təhvil verilib.
Qeyd edək ki, rayonun Aşağı Atuc kənd sakini, 19 yaşlı Elmar Məmmədov dekabr ayının 7-də yaşadığı evdən çıxaraq bir daha geri qayıtmamış, bundan narahat olan ailəsi onun tapılması üçün Quba Rayon Polis Şöbəsinə müraciət etmişdi.
