İdman 16:14 07.08.2023

Konfrans Liqası: “Qarabağ”ın mümkün rəqibi dəqiqləşdi

"Qarabağ”ın UEFA Konfrans Liqasının pley-off mərhələsindəki potensial rəqibləri müəyyənləşib.

Qaynarinfo xəbər verir ki, Azərbaycan çempionu UEFA Avropa Liqasının III raundunda Finlandiya klubu HİK-ə məğlub olarsa, Konfrans Liqasının pley-off mərhələsində "Farul” (Rumıniya) - "Flora” (Estoniya) cütünün qalibi ilə qarşılaşacaq.

"Qarabağ”ın yer aldığı cütlüyün məğlubu ilk matçını səfərdə keçirəcək.

Qeyd edək ki, Konfrans Liqasında pley-off mərhələsinin oyunları avqustun 24-də və 31-də baş tutacaq.