Müxalif Suriya Milli Koalisiyası keçid hökumətinin baş nazirini seçib. Məlumata görə, bu posta martın 18-i İstanbulda keçirilən səsvermədə 48 koalisiya üzvündən 35-nin dəstəyini alan Həsən Hitto layiq görülüb.
Kommunikasiya texnologiyaları mütəxəssisi olan Həsən Hitto uzun illər ABŞ-da yaşayıb. O, bir neçə həftə ərzində hökuməti formalaşdırmalıdır.
2011-ci ilin martından Suriyada xalq üsyanı gedir. Tələb prezident Bəşər Əsədin istefasıdır. İndiyəcən 70 min adam həlak olub.
Bəşər Əsəd prezident postunu 2000-ci ildən tutur. 1971-2000-ci illərdə isə ölkəyə onun atası Hafiz Əsəd rəhbərlik edib.
