Qax rayonunda ağır yol qəzası baş verib. Anspress-in bölgə müxbirinin verdiyi məlumata görə, Qax rayon İcra Hakimiyyətinə aid “QAZ-3110” markalı maşın Kürmük çayının üzərindəki körpüdən aşıb.
Qəza nəticəsində İH-nin iqtisadiyyat şöbəsinin əməkdaşı Şahid Əhmədov və İH-nin digər əməkdaşı Vüqar Paşayev ölüblər.
İH-nin digər əməkdaşları Azər Qazaxov, Asəf Məmmədzadə və Firudin Yusifzadə qəza nəticəsində ağır yaralanıblar. Onlar xəstəxanaya yerləşdiriliblər.
Faktla bağlı Qax rayon prokurorluğunda cinayət işi açılıb.
Qaynar.info
