Dünya 18:40 17.01.2024

Reytinqi sürətlə aşağı düşən Makron islahatlar vəd etdi

Fransa prezidenti Emmanuel Makron populyarlığın azalması fonunda ölkədə geniş spektrli islahatların aparılacağını açıqlayıb. 

Qayanrinfo xəbər verir ki, bu barədə "Reuters"ə istinadən yazıb.

Materialda qeyd olunur ki, hökumətin siyasətindən narazılıq Makronun reytinqinə və onun partiyasının Avropa Parlamentinə qarşıdan gələn seçkilərdə şanslarını aşağı salıb, burada o, Marin Le Penin ifrat sağçı Milli Cəbhə Partiyasına uduzur.

"Nadir və uzun sürən mətbuat konfransında Makron seçicilərin gündəlik qayğılarına, o cümlədən məktəblərə və yaşayış xərclərinə diqqət çəkərək, keçən ilki mübahisəli pensiya və immiqrasiya islahatları ilə bağlı səhifəni açmaq istədiyini təkrarladı", deyə agentlik yazır.

Makron bildirib ki, Fransa birləşərək "qarışıqlıq dünyasında" daha güclü ola bilər. Prezident əmin olduğunu bildirib ki, ölkədə uğurlar əldə etmək üçün bütün lazımi resurslar var.

Makron orta təbəqə üçün vergiləri azaltmaq planlarını təsdiqləyib və elektrik enerjisinin bəzi qonşu ölkələrlə müqayisədə xeyli ucuz qalacağını söyləyib, həmçinin ev təsərrüfatlarının gəlirləri arasındakı fərqi azaltmağa söz verib.

"O, tam məşğulluğa nail olmaq vədini təsdiqlədi, bu məqsədə çatmaq üçün yeni islahatlar, o cümlədən işsizlərə iş tapmaq üçün daha yaxşı köməklik vəd etdi", deyə "Reuters" yazır.

Aydın