Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Tramp TikTok-un alınması üçün potensial fond yaradılmasını əmr etdi
Bazar ertəsi günü ABŞ prezidenti Donald Tramp gələn il ərzində dövlət rifah fondu yaradılması haqqında fərman imzalayaraq, bu fondun potensial olaraq TikTok-u əldə edə biləcəyini bildirib.
Qaynarinfo xəbər verir ki, bu barədə Reuters məlumat yayıb.
Əgər suveren sərvət fondu yaradılarsa, ABŞ Yaxın Şərq və Asiyada bir çox ölkələr kimi dövlət vəsaitləri vasitəsilə birbaşa investisiyalar həyata keçirmək üçün belə fondlara sahib olan dövlətlər sırasına qoşula bilər.
İcra sərəncamının mətnində təfərrüatlar az idi və sadəcə olaraq Maliyyə və Ticarət nazirliklərinə 90 gün ərzində belə bir fondun yaradılması planını, o cümlədən "maliyyələşdirmə mexanizmləri, investisiya strategiyaları, fondun strukturu və idarəetmə modeli" ilə bağlı tövsiyələri təqdim etməyi tapşırırdı.
Reuters-in yazdığına görə, adətən belə fondlar investisiyalar üçün dövlət büdcəsinin profisitindən istifadə edirlər, lakin ABŞ hazırda büdcə kəsiri ilə işləyir. Bundan əlavə, fondun yaradılması, çox güman ki, Konqresin təsdiqini tələb edəcək.
Tramp hələ prezidentliyə namizəd olduğu dövrdə belə bir dövlət investisiya mexanizmi barədə danışaraq, onun avtomagistrallar və hava limanları kimi böyük milli layihələri, eləcə də istehsal və tibb sahəsindəki tədqiqatları maliyyələşdirə biləcəyini qeyd etmişdi.
Administrasiya nümayəndələri fondun necə fəaliyyət göstərəcəyi və maliyyələşdiriləcəyi barədə məlumat verməyiblər, lakin Tramp daha əvvəl onun "gömrük rüsumları və digər ağlabatan vasitələrlə" maliyyələşdirilə biləcəyini bildirmişdi.
Maliyyə naziri Skot Bessent jurnalistlərə açıqlamasında fondun növbəti 12 ay ərzində yaradılacağını bildirib.
Xatırladaq ki, yanvar ayının sonunda Tramp TikTok-un mümkün alışı ilə bağlı bir neçə maraqlı tərəflə danışıqlar apardığını bildirmişdi. Yekun qərarın növbəti 30 gün ərzində qəbul ediləcəyi gözlənilir.
Alpər
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər