Dünya 10:56 02.04.2024

Ukrayna PUA-ları Tatarıstanda "Şahed"lərin yığıldığı obyektlərə hücum etdi (VİDEO)

Tatarıstan Respublikasının Rusiya Federasiyasının təsis qurumunun səlahiyyətliləri Elabuqa və Nijnekamskdakı müəssisələrə pilotsuz uçan aparatla hücum etdiyini, partlayışla nəticələndiyini və insan tələfatının olduğunu açıqlayıb. Bundan bir qədər əvvəl "Şahedlər”in Elabuqada yığıldığı bildirilmişdi.

Qaynarinfo xəbər verir ki, bu barədə Tatarıstan hakimiyyəti, Rusiya mediası və Rusiyanın "Telegram" kanalları məlumat yayıb.

"Bu gün səhər Tatarıstanın Yelabuqa və Nijnekamskdakı müəssisələri pilotsuz uçuş aparatlarının hücumuna məruz qalıb. Ciddi dağıntı olmayıb, müəssisələrin texnoloji prosesi pozulmayıb. Yelabuqada təəssüf ki, dağıntı qurbanları var. Onlara hər cür köməklik göstərilir”, - Tatarıstan hakimiyyətindən bildirilib.

Bütün xidmətlərin yüksək həyəcan vəziyyətində olduğu bildirilir.

Zərbələrdən birinin videosu Rusiyanın Telegram kanallarında yayılıb. Videoda pilotsuz təyyarənin binaya çırpılması, böyük partlayışa səbəb olduğu və ön planda olan insanların qorxudan yerə yıxıldığı görünür.

Baza telegram kanalının məlumatına görə, beş qurban var.

Qeyd olunur ki, Yelabuqada 2022-ci ildə Xüsusi İqtisadi Zonanın (XİZ) əməkdaşları və yerli "Alabuqa Politex” kollecinin tələbələri üçün tikilmiş yataqxanalar kompleksi zədələnib.

2023-cü ilin yayında Yelabuqa Politexnik Kollecinin (Tatarıstan) bir neçə yüz tələbəsinin İran Şahed dronlarının yığılmasına cəlb edildiyi bildirilir.

Yelabuqa Ukrayna sərhədindən 1500 km aralıda yerləşir.

Alpər