Bakı Ağır Cinayətlər Məhkəməsində keçmiş Xüsusi Təyinatlı Polis Dəstəsinin (OMON) üzvü Camal Nəzərovun cinayət işi üzrə məhkəmə prosesi başlayıb.
APA-nın məlumatına görə, prosesdə dövlət ittihamçısı ittiham aktını elan edib. Daha sonra prosesdə ifadə verən təqsirləndirilən şəxs özünü təqsirli bilmədiyini deyib.
Proses avqustun 27-də davam etdiriləcək.
Qeyd edək ki, C. Nəzərov Astara şəhərindən İrana keçərkən həbs olunub. Araşdırmalar zamanı onun 1995-ci ildən axtarışda olduğu məlum olub. Belə ki, C. Nəzərov 1995-ci ilin mart hadisələrində iştirakda təqsirləndirilir.
C. Nəzərov Cinayət Məcəlləsinin 279-cu (qanunvericilikdə nəzərdə tutulmayan silahlı birləşmə və ya qrup yaratma) maddəsi ilə ittiham olunur.
Qaynar.info
