2013-cü il artıq başa çatmaq üzrədir. Qaynar.info tanınmışlar arasında bu ilin ən yadda qalan məqamları ilə bağlı sorğu keçirib. Sorğunu təqdim edirik:Yazar Sevinc Çılğın:
Ən sevdiyiniz tamaşa hansıdır?
- Oda teatrında “Səncə döyəcəklər?” , Yuğ teatrında “Kafkaya salam” tamaşası
Ən sevdiyiniz kino?
- “Benim dünyam”
Ən yaddaqalan hadisə?
- Maşın almağım.
Ən sevdiyiniz yer?
- "Dərya balıq evi".
Ən çox bəyəndiyiniz kitab?
- "Zero Kitab evi"ndə çap olunan Somerset Moem – Esselər
Ən uğurlu insan?
- Gülər Əhmədova. Çox iş almalı idi, cəmi 3 il aldı.
Şair Aqşin Yenisey:
Ən sevdiyini tamaşa?
- Sonuncu dəfə 2 il əvvəl Şekspirə baxmışam. Yalnız telekanallarda göstərilən tamaşalara baxmışam.
Ən sevdiyiniz kino?
- Şoloxovun “Sakit don” əsəri əsasında çəkilmiş bir filmə baxdım. O da çox xoşuma gəldi. Bir də bir film var idi. Alman zabiti ilə Rus zabiti meşədə qəzaya uğrayır. Səhv etmirəmsə adı “Kukuşka” idi.
Ən yaddaqalan hadisə?
- Şəxsi həyatımda ən yadda qalan hadisə 2 kitabımın çap olunmasıdır. Bir şeir, bir nəsr kitabım çap olundu.
Ən sevdiyiniz yer?
- Evimiz
Ən çox bəyəndiyiniz kitab?
- Aleksandr Levıyın bir kitabını oxumuşdum. Psixoloji kitab idi. Kitabın adını xatırlamıram. Ən sevdiyim kitab həmin kitab idi.
Ən uğurlu insan?
- Futbolçu Messi
Teleaparıcı İlkin Həsəni:
Ən sevdiyini tamaşa?
- "Dejavu" tamaşası.
Ən sevdiyiniz kino?
- "Great Getsby".
Ən yaddaqalan hadisə?
- Bu yaxınlarda mənim və “Bozbaş Picture” kollektivinin Gənclər İdman Nazirliyi və Bakı Şəhər Gənclər İdarəsi tərəfindən “Yaxşıların yaxşısı” mükafatına layiq görülməyimiz.
Ən sevdiyiniz yer
- İsveçrənin Malmo şəhəri.
Ən çox bəyəndiyiniz kitab?
- Den Braun “İnferno”
Ən uğurlu insan?
- Ən uğurlu insan Mark Zukerberg olaraq qalır
Siyasətçi Ramin Hacılı:
Ən sevdiyini tamaşa?
- “Yeddi Gözəl” tamaşası.
Ən sevdiyiniz kino?
- Torantinonun “Janko” filmi.
Ən yaddaqalan hadisə?
- Prezident seçkiləri.
Ən sevdiyiniz yer?
- Polşa
Ən çox bəyəndiyiniz kitab?
- Seymur Baycanın “Ana ürəyi” romanı.
Ən uğurlu insan?
- Vitalı Kliçko.
Jurnalist Azər Nəzərov:
Ən sevdiyiniz teatr?
- “Oda” Teatrında “Səncə döyəcəklər?” tamaşası
Ən sevdiyiniz kino?
- Hmm.. Aysel sənlə baxdımız ən yaxşı film hansı idi? (nişanlısından soruşur). “Son qala” ABŞ filmi.
Ən yadda qalan hadisə?
- Nişanlanmağım, Universitetdə müəllim kimi işləməyə başlamağım, seçkilər, aksiyalar, 724 news və "Gənclərin Səsi" Radiosu olaraq Milli Netin qalibi olmağımız.
Ən sevdiyiniz kitab?
- Əli Novruzovun “7 hekayə” kitabı. Kitabın PR işlərinə mən baxıram (gülür)
Ən uğurlu insan?
- Bu suala cavab verə bilmərəm.
Pərviz Əzimov
Qaynar.info 
