Sabah ölkə ərazisində yağmursuz hava müşahidə olunacaq. Qaynar.info Ekologiya və Təbii Sərvətlər Nazirliyi Milli Hidrometeorologiya Departamentinə istinadən xəbər verir ki, avqustun 13-də Bakıda və Abşeron yarımadasında havanın günəşli olacağı, yağmursuz keçəcəyi gözlənilir. Mülayim şimal-qərb küləyi gündüz şərq küləyinə keçəcək.
Avqustun 13-də havanın temperaturu Abşeron yarımadasında gecə 23-26˚, gündüz 33-38˚, Bakıda gecə 23-25˚, gündüz 35-37˚ isti olacaq.
Atmosfer təzyiqi 758 mm civə sütunu, nisbi rütubət gecə 70-80, gündüz 35-45 faiz təşkil edəcək.
Avqustun 13-də Azərbaycanın əksər rayonlarında hava şəraitinin əsasən yağmursuz keçəcəyi gözlənilir. Gün ərzində mülayim şərq küləyi əsəcək.
Havanın temperaturu aran rayonlarında gecə 20-25˚, gündüz 34-39˚ isti, dağlarda gecə 15-20˚, gündüz 27-32˚ isti olacaq.
Qaynar.info
