Bakıda və Abşeron yarımadasında fevralın 27-də hava şəraitinin dəyişkən buludlu, bəzi yerlərdə yağıntılı olacağı gözlənilir. Ekologiya və Təbii Sərvətlər Nazirliyinin Milli Hidrometeorologiya Departamentindən Qaynar.info-ya verilən məlumata görə, Bakıda və yarımadada Mülayim cənub-şərq küləyi axşam mülayim şimal-qərb küləyi ilə əvəz olunacaq. Havanın temperaturunun gecə 3-5, gündüz 6-10 dərəcə isti olacağı gözlənilir.
Azərbaycanın rayonlarında sabah hava bəzi yerlərdə yağıntılı olacaq, dağlıq və dağətəyi rayonlara qar yağacaq. Şərq küləyi əsəcək.
Havanın temperaturu gecə 1-6, gündüz 7-12 dərəcə isti, dağlarda gecə 1-6, gündüz 1 dərəcə şaxtadan 3 dərəcəyədək isti olacaq.
Qaynar.info
