Dövlət Bayrağı Günü münasibətilə noyabrın 9-u qeyri-iş günü elan edilib.
Bu barədə anspressə Nazirlər Kabinetinin mətbuat xidmətinin rəhbəri Akif Əli məlumat verib.
Onun sözlərinə görə, noyabrın 9-u şənbə gününə düşdüyündən onun əvəzində noyabrın 11-i qeyri-iş günü hesab ediləcək. Nəticədə vətəndaşlar noyabrın 9,10 və 11-də istirahət edəcəklər.
Azərbaycanda 6 günlük tədris sisteminə malik olan məktəblərdə isə noyabrın 11-i dərs günü olacaq. Təhsil Nazirliyinin mətbuat xidmətindən verilən məlumata görə, şənbə günü bayramla əlaqədar tətil olduğu üçün həftənin birinci günü 6 günlük məktəblərdə dərs günüdür.
Xatırladaq ki, noyabrın 12-si Konstitusiya Günü və noyabrın 17-si Milli Dirçəliş Günü kimi qeyd edilsə də, Əmək Məcəlləsinə əsasən, iş günü hesab olunacaq.
Qaynar.info
