Azərbaycan ərazisində sabah sərin və yağışlı hava şəraiti davam edəcək.
Bu barədə Lent.az-a Ekologiya və Təbii Sərvətlər Nazirliyinin Milli Hidrometeorologiya Departamentinin baş hidroloqu Asif Verdiyev məlumat verib. Paytaxtda və eləcə də Abşeron yarımadasında avqustun 9-da havanın dəyişkən buludlu keçəcəyi, arabir tutulacağı gözlənilir. Gün ərzində qısamüddətli yağış yağacağı ehtimal olunur. Mülayim şimal küləyi əsəcək. Havanın temperaturu gecə 18-23, gündüz 25-30 dərəcə isti olacaq.
Azərbaycanın rayonlarına gəldikdə isə avqustun 9-da şimşək çaxacaq, əsasən gecə saatlarında yağış yağacaq. Bəzi ərazilərdə leysan xarakterli yağış yağacağı ehtimal olunur. Aran rayonlarında havanın temperaturu gecə 18-23, gündüz 27-32 dərəcə, dağlıq ərazilərdə gecə 8-13, gündüz 18-23 dərəcə isti olacaq.
Qeyri-sabit hava şəraiti avqustun 10-u gündüzə qədər davam edəcək.
Qaynar.info
