Xırdalan şəhəri Quşçuluq massivi Sətttar Bəhlulzadə küçəsi və ona paralel küçələr 1 saata yaxındır işıqsız qalıb.
Sakinlər Qaynarinfo-ya bildirib ki, paylayıcı transformator yarımstansiyasında baş verən partlayışdan sonra işıqlar sönüb.
Qeyd edək ki, "Azərenerji" ASC hava şəraitinin pisləşməsi ilə bağlı gücləndirilmiş iş rejiminə keçməklə bağlı açıqlama ilə çıxış etsə də, işinin öhdəsindən gələ bilməyib. Gün ərzində Biləcəri qəsəbəsi 1 may küçəsi və bir sıra məntəqələrdə işıq sönsə də Qəza xidmətləri gözə dəyməyib. Nəticədə ərazi 4-5 saat işıqsız qalıb.
