65 ildir fəlakətlərin aradan qaldırılması ilə məşğul olan xeyriyyəçi təşkilat olan Christian Aid-in hesabatına görə, təbii fəlakətlər 2020-ci ildə 150 milyard dollar zərər verib. Təbii fəlakətlər insan həyatının bütün sahələrini əhatə edir və təəssüf ki, həmişə uzunmüddətli nəticələrə səbəb olur.
Qaynarinfo xəbər verir ki, təşkilat öz hesabatında buna görə bir çox fəlakətə səbəb olan iqlim dəyişikliyinin günahkar olduğunu qeyd edib. 2020-ci ildə təbii fəlakətlər ən azı 3500 insanın həyatına son qoyub, 13,5 milyondan çoxunu isə evlərini tərk etməyə məcbur edib. Christian Aid ayrıca əksəriyyəti Asiyada baş verən on böyük kataklizmin adını çəkib.
Məsələn, Hindistanda baş verən şiddətli daşqınlar 2000-dən çox insanın ölümünə və milyonlarla insanın didərgin düşməsinə səbəb olub. İtkinin 10 milyard dollar olduğu təxmin edilir. Çində daşqınlardan dəyən maliyyə ziyanı bu ilin iyun-oktyabr ayları arasında təxminən 32 milyard dollar təşkil edib.
May ayında Benqal Körfəzini vuran Amfan siklonu 13 milyard dollar ziyan verib. Afrika da bir sıra kataklizmlərlə qarşılaşıb. Nəhəng çəyirtkə sürüsü 8,5 milyard dollar dəyərində məhsul və bitki örtüyünü məhv edib. BMT bu böcək fəaliyyətini iqlim dəyişikliyi, yəni artan yağışlarla əlaqələndirib.
Fevral ayında İrlandiya, İngiltərə və bir sıra digər ölkələri əhatə edən "Ciara” fırtınası Avropanı vurub. Bu, 14 ölüm, 2,7 milyard dollar ziyanla nəticələnib. ABŞ-dakı yanğınlar təxminən 60 milyard dollar itki ilə başa çatıb. Christian Aid bu rəqəmlərin yalnız sığorta iddialarına əsaslandığından daha az göründüyünü vurğulayıb.
Təəssüf ki, mütəxəssislər iqlim dəyişikliyinin ekstremal hadisələrə təsirinin artmağa davam edəcəyini söyləyirlər. Çox güman ki, 2021-ci ildə də bir çox təbii fəlakət baş verəcək, lakin elm adamları bu pandemiya zamanı bir çox siyasi liderin ölkələrin karbon neytrallığı yoluna başlamasına kömək edəcək nəticələr çıxardığına ümid edirlər.
