Bu gün Mingəçevirdə zəlzələ baş verib.
Qaynarinfo xəbər verir ki, bununla bağlı Azərbaycan Milli Elmlər Akademiyası nəzdində Respublika Seysmoloji Xidmət Mərkəzi məlumat yayıb.
Bildirilib ki, zəlzələnin maqnitudası 3 olub.
Yeraltı təkanlar yerli vaxtla 05:18-də Mingəçevir stansiyasından 21 km şimal-qərbdə qeydə alınıb.
Ocağı 14 kilometr dərinlikdə yerləşən zəlzələ hiss edilməyib.
Dekabrın 18-də Xəzər dənizində də maqnitudası 3.1 olan zəlzələ baş verib. Yeraltı təkanlar yerli vaxtla saat 05:26-da Qala stansiyasından 28 km şərqdə qeydə alınıb. Zəlzələ ocağı 68 kilometr dərinlikdə yerləşib. Zəlzələ hiss olunmayıb.
