"Bu gün təhsil şagirdlərin repetitor müəllimlərə ödədiyi
pulların üzərindədir”.
Bunu Qaynarinfo-ya açıqlamasında təhsil eksperti
Kamran Əsədov deyib. Kamran Əsədov qeyd edib ki, hazırda vəziyyətlə bağlı
internetin olmaması təhsilin əlçatanlığına ciddi şəkildə zərbə vurur:
"Düzdür, bunun alternativi olaraq tele-dərslər var.
Amma tele-dərslər effektli deyil və burada bir həftə ərzində iki fənn
keçirilir. Nəzərə alsaq ki, bir şagird məktəbə getmir, interneti də yoxdur, həftədə
iki dəfə tele-dərs izləməlidir. Onda da bir həftənin bütün proqramını yox,
ancaq cətin mövzular əhatə olunur. Bu mövzuları isə şagird deyil, müəllim müəyyənləşdirir.
Hazırda bütün təhsil valideynlərin çiyinlərində, şagirdlərin repetitor müəllimlərə
ödədiyi pulların üzərindədir”.
Ekspert təəssüf hissi ilə bildirib ki, Təhsil
Nazirliyi tam proqramı ortaya qoya bilməyib:
"Çünki yeni təhsil sisteminə keçmişik. Bunu köhnə dərsliklərlə
keçmək lazım deyil. Bu gün təhsil ikili formada keçirilir. Kimin ki məktəbə
getmək imkanı var, o proqramı tam mənimsəyəcək, kimin ki məktəbə getmək imkanı
yoxdur, onlar mənimsəməyəcək. Kiminsə valideynlərinin maddi imkanı var, onlar
hazırlıqlara gedəcək, kiminsə imkanı yoxdur, onlar bundan məhrum olacaq. Bu gün
Mədəniyyət Kanalında yayımlanan təhsil verilişləri effektli deyil, dərslər tam
şəkildə əhatə olunmur. Orada müəllim bir həftənin dərs yükünü 15 dəqiqəyə qısa
şəkildə deyir. Mövzunu keçən şagird isə buradan heç nə əldə edə bilmir”.
Ekspert 24 saat yayımlanacaq təhsil televiziyasının
yaranmasına ehtiyac olduğunu qeyd edib:
"Bütün siniflər üzrə hər gün dərsləri izah edə biləcək
kanal açılmalıdır”.
Bahar Rüstəmli
