Dünyanın ən intellektual insanlarının birliyi “Mensa”-ya 162 İQ-lə daxil olan Elis Amos Albert Eynşteyn və Stiven Houkinq kimi dahilərdən daha ağıllıdır.
Qaynar.info-nun türk mətbuatına istinadən verdiyi xəbərə görə, Eynşteyn və Houkins “Mensa”-nın testlərində 160 xal yığıb.
Ana dilləri rus dili olan Vitali və Tatyana Amosun 3 yaşlı qızları Elis İQ testini ikinci dili olan ingilis dilində verib. Elis cəmi 6 ay əvvəl danışmağa başlayıb. Atasının dediyinə görə Elis danışmağa başlayandan sonra dahiyə çevrilib. Elis ailəsi ilə birlikdə İngiltərədə yaşayır, o sənədli filmlər izləməyi sevir və öz yaşıdlarını “uşaq” adlandırır.
Həkimlər Elisin həqiqətən də dahi olduğunu, ancaq gələcəkdə psixi problemlər yaşamaması üçün psixoloji kömək almağının vacib olduğunu deyir.
Qaynar.info
