Corab satdığı görüntüləri yayıldıqdan sonra diqqət mərkəzinə düşən aktyor Allahverdi Yolçuyev Baku TV-yə açıqlamasında işlə təmin olduğunu deyib:
"Sevindiyimdən o qədər ağladım ki, Musiqi Komediya Teatrında məni işə bərpa etdilər".
Oxu.Az-ın əməkdaşı işin nədən ibarət olduğunu öyrənmək üçün aktyorun özü ilə saxlayıb.
O, saytımıza açıqlamasında məlumatı təkzib edib, bildirib ki, hələ işlə təmin olunmayıb, yalan məlumat yayılıb:
"Musiqili Komediya Teatrından əmək kitabçamı istədilər. Amma iş üçün istəyib-istəmədiklərini demədilər. Çox güman ki, həftənin ilk günü məlumat çıxar. Mənə konkret olaraq işlə təmin olunduğum deyilməyib, sadəcə, maraqlanıblar".
