Nəqliyyat naziri Ziya Məmmədovun oğlu Anar Məmmədovun müəllifi olduğu “Aləm gözəl” mahnısı yeni üslubda dinləyicilərin ixtiyarına verilib.
“Qafqazinfo”nun məlumatına görə, sözləri Leyla Əmirovaya, musiqisinin Anar Məmmdova və ya Ramala məxsus olduğu dəqiq müəyyənləşməyən “Aləm gözəl”i tanınmış aşıq Səbuhi sazda improvizə edib. Aşığın yeni sintezi dinləyicilər tərəfindən maraqla qarşılanıb.
Onu da əlavə edək ki, bir müddət öncə müğənni Ramal İsrafilov, Brilliant Dadaşova, Abbas Bağırov həmin mahnı üstündə də söz-söhbətlər yaşayıb. Məmmədov isə qalmaqala münasibət bildirərkən qeyd edib ki, “Aləm gözəl”i müğənnilərdən yalnız əməkdar artist Abbas Bağırov ifa edə bilər. O, digər müğənnilərə isə qadağa qoyub.
