Arda Turan "Beşiktaş"dan cavab gözləyir. Qaynarinfo xəbər verir ki, bu barədə "NTV Spor" xəbər yayıb.
Fatih Terimin gəlişindən sonra "Qalatasaray"a dönüşü mümkünsüz olan Ardanın "Beşiktaş"da oynamağa razı olduğu, İstanbul klubundan təklif gözlədiyi bildirilir.
Amma "Beşiktaş" bu məsələdə tərəddüd edir. "Barselona"da bu mövsüm heç bir rəsmi oyuna çıxmayan futbolçunun durumu Şenol Günəşi narahat edir. Bu səbəbdən transferlə bağlı yekun qərar verilməyib.
Bundan başqa "Beşiktaş"da Ardanın transferinə qarşı olanlar var. Futbolçunun "Qalatasaray"ın yetirməsi olması və "Türkiyədə "Qalatasaray"dan başqa klubda oynamaram" deməsi onların bu transferə qarşı çıxmasına səbəb olub.
